Առևտրային արբիտրաժին նվիրված խաղ-մրցույթ
22/03/2015
2015թ. մարտի 22-23-ը Հայաստանում ֆրանսիական համալսարանի Իրավաբանական ֆակուլտետի ուսանողական թիմը մասնակցեց Հայաստանի ամերիկյան համալսարանի Իրավագիտության մագիստրատուրայի ծրագրի` Մեդիացիոն և Արբիտրաժային Կլինիկայի կողմից կազմակերպված արբիտրաժ խաղ-մրցույթին: Մրցույթը բաղկացած էր 2 փուլից՝ գրավոր և բանավոր, իսկ բանավորն իր հերթին՝ 3 փուլերից: ՀՖՀՀ-ի թիմն անցավ եզրափակիչ` զբաղեցնելով 2-րդ տեղը, ինչպես նաև արժանացավ «Լավագույն գրավոր աշխատանք» մրցանակին:
ՀՖՀՀ-ի թիմի խորհրդատուն «Կոնցեռն-Դիալոգ» փաստաբանական գրասենյակի ավագ գործընկեր, ՀՖՀՀ դասախոս, ի.գ.թ. Արամ Օրբելյանն էր, ում թիմը շնորհակալություն հայտնեց ցուցաբերած մասնագիտական աջակցության համար:
Օրիգինալ հրապարակումը՝ ՀՖՀՀ-ի ուսանողները՝ Առևտրային արբիտրաժին նվիրված խաղ-մրցույթում @ ՀՖՀՀ կայք-էջ