«Արմենիան գեյմինգ ֆորում». որպեսզի գաղափարը պրոդուկտ դառնա
24/11/2015
Նոյեմբերի 17-ին «Կոնցեռն-Դիալոգ» փաստաբանական ընկերության ավագ գործընկեր Արամ Օրբելյանը մասնակցեց «Արմենիան գեյմինգ ֆորումին», որն անցկացվում է Հայաստանում առաջին անգամ և առաջին հարթակն է բոլոր նրանց համար, ովքեր կապ ունեն խաղատնային բիզնեսի հետ: Ֆորումն ուղղված էր երկրում խաղատնային բիզնեսի զարգացմանը և նպատակ ուներ նպաստելու պետության համար ոլորտի եկամտաբերությանը և դրա՝ թափանցիկ բիզնեսի կարգավիճակ ստանալուն:
Արամ Օրբելյանը ֆորումի շրջանակներում զեկուցում ներկայացրեց՝ «Ինչպե՞ս հիմնել խաղային բիզնես Հայաստանում. գաղափարից մինչև պատրաստի պրոդուկտ» թեմայով:
Օրբելյանը ներկայացրեց օրենսդրական այն նորմերը, որոնք կարգավորում են Հայաստանում խաղային բիզնեսի գործունեությունը: Անդրադարձ կատարվեց խաղային բիզնեսի տեսակներին ու սուբյեկտներին՝ հանգամանորեն ներկայացնելով լիցենզավորման կարգը ոլորտում: Արամ Օրբելյանը խոսեց օրենքի խախտման դեպքում հնարավոր պատժամիջոցների, ընկերությունների նկատմամբ օրենքով սահմանված պահանջների ու սահմանափակումների մասին, ինչպիսիք են խաղատների տեղաբաշխումը, գովազդի սահամանափակումների կարգը:
Ֆորումի առանձնահատկությունը բիզնեսի ներկայացուցիչների և իշխանությունների համար ակնառու է: Այն կարող է խթանել ոլորտում քայլեր ձեռնարկողների իրավաչափ գործունեությունը: