Սեդրակ Ասատրյանը մասնակցեց մեծահասակների կրթության մեթոդաբանությանը նվիրված սեմինարի
28/10/2016
«Կոնցեռն Դիալոգ» փաստաբանական գրասենյակի տնօրեն, ՀՀ Փաստաբանական դպրոցի դասախոս Սեդրակ Ասատրյանը ս.թ. հոկտեմբերի 21-23-ին Ծաղկաձորի «Մարիոթ» հյուրանոցում մասնակցեց «Մեծահասակների կրթության մեթոդաբանությունը» խորագրով դասավանդողների վերապատրաստման սեմինարին:
Միջոցառման կազմակերպիչը Միջազգային Իրավական Համագործակցության գերմանական հիմնադրամն էր (IRZ):
Եռօրյա սեմինարին մասնակցում էին ինչպես հայ, այնպես էլ գերմանացի փորձագետներ: Սեմինարի ընթացքում զեկույցներով հանդես եկան Գերմանական փաստաբանների ակադեմիայի տնօրեն Ֆիլիպ Վենդթը, տնտեսական մեդիատոր, Բեռլինի Էկոնոմիկայի և իրավունքի բարձրագույն դպրոցի ներկայացուցիչ, պրոֆեսոր Յան Այքելբերգը և Մարդու Իրավունքների Եվրոպական Կոնվենցիայի (ՄԻԵԿ) հարցերով փորձագետ Արա Ղազարյանը:
Սեմինարի մասնակիցները տեղեկություններ ստացան Գերմանիայում փաստաբանների կրթության և վերապատրաստման հնարավորությունների, վերապատրաստման մեթոդների մասին:
Միջոցառումը նպաստեց նաև իրավական ոլորտի հայ և գերմանացի փորձագետների միջև փորձի փոխանակմանը: