«Կոնցեռն Դիալոգ» ընկերության տնօրենը Փարիզում մասնակցել է Գրիգոր Զոհրապի մեծարման հանդիսությանը
03/05/2017
Սույն թվականի մայիսի 3-ին «Կոնցեռն Դիալոգ» ընկերության տնօրեն Սեդրակ Ասատրյանը Փարիզի փաստաբանական դպրոցում մասնակցել է Գրիգոր Զոհրապի հուշատախտակի բացման արարողությանը։
Փարիզյան Իսի-լե-Մուլինո արվարձանում Ֆրանսիայի Փաստաբանների դպրոցի ընդունարանում տեղի է ունեցել Գրիգոր Զոհրապի մեծարման արարողություն, որի ընթացքում բացվել է գրողի հուշատախտակը։ Հուշատախտակը, որի վրա գրված է «Եղբայրական մեծարանք փաստաբան, պատգամավոր, գրող և իրավագիտության դասախոս Գրիգոր Զոհրապին և 1915-ի Ցեղասպանության ժամանակ սպանված բոլոր հայ փաստաբաններին» բացել են Փարիզի Փաստաբանների պալատի նախագահ Ֆրեդերիկ Սիկառը և փոխնախագահ Դոմինիկ Աթթիասը։
Պարոն Ասատրյանը հանդիպումներ է ունեցել Հայ փաստաբանների և իրավաբանների ընկերության նախագահ Վիրժինի Դյուշենի, Հո-դը-Սենի Նահանգային խորհրդի նախագահ Պատրիկ Դեվեջյանի և Ֆրանսիայում ՀՀ արտակարգ և լիազոր դեսպան Վիգեն Չիտեչյանի հետ։