Փոխըմբռնման հուշագիր Կոնցեռն-Դիալոգ փաստաբանական ընկերության և Գալստյան փաստաբանական խումբ ընկերության միջև
10/09/2013
2013թ. սեպտեմբերի 10-ին «Կոնցեռն-Դիալոգ» փաստաբանական գրասենյակի և ԱՄՆ-ի Կալիֆորնիա նահանգում գործող "Galstyan Law Group" փաստաբանական ընկերության միջև ստորագրվել է փոխըմբռնման հուշագիր: Այս հուշագրի շրջանակներում կողմերը համաձայնվել են համագործակցել իմիգրացիոն/ներգաղթի իրավունքի շրջանակներում:
Իր Ամերիկյան գործընկերոջ աջակցությամբ «Կոնցեռն-Դիալոգ» փաստաբանական գրասենյակն այսուհետ իր ծառայություններն է առաջարկում ԱՄՆ ներքաղթել պլանավորող հայաստանաբնակ քաղաքացիներին: Մասնավորապես, իրավաբանական խորհրդատվություն և աջակցություն է տրամադրվում հետևյալ ոլորտներում.
- Այցելության վիզաների ստացում
- Փոխանակման ծրագրերով այցելության վիզաների ստացում
- Ուսանողական վիզաների ստացում
- Աշխատանքային վիզաների ստացում
- Ներգաղթի վիզաների ստացում
- Ծնողների և երեխաների միավորում
- Քաղաքացիություն
- Ընտանիքի վերամիավորում
- Անընդունելիության չեղարկում
- Որդեգրում և Գրին Քարտ
Հիշյալ համագործակցությունն ապահովում է արդյունավետություն և հուսալիություն ԱՄՆ ներգաղթելուն ուղղված բարձրամակարդակ իրավաբանական ծառայությունների մատուցման համար` զերծ պահելով վստահորդին հնարավոր ամենատարբեր քաշքշուկներից: