2013թ. սեպտեմբերի 27-ին «Կոնցեռն-Դիալոգ» փաստաբանական գրասենյակի տնօրեն Սեդրակ Ասատրյանը մասնակցեց «Մաքսային բարեփոխումները Հայաստանում» խորագրով համաժողովին, որը կազմակերպվել էր Հայաստանում Ամերիկայի Առևտրի պալատի և USAID-ի կողմից:

Համաժողովի մասնակիցները ծանոթացան վերջին բարեփոխումներին, կայացան քննարկումներ մի շարք տեղական և միջազգային փորձագետների հետ:

Իր ելույթում պարոն Ասատրյանն ընդգծեց, որ չնայած հայտարարվում է, թե Հայաստանում հարկային ու մաքսային ոլորտում բարեփոխումներ են կատարվում, այդուհանդերձ կան լուրջ խնդիրներ, որոնք մնում են ստվերում: Նա տեղեկացրեց, որ պատրաստվում է դիմել Սահմանադրական դատարան՝ Մաքսային օրենսգրքի 224 հոդվածը հակասահմանադրական ճանաչելու հայցով: Ըստ 224 հոդվածի՝ եթե մաքսային կանոնների խախտում, մասնավորապես, հայտարարագրման խախտում է տեղի ունենում, ապա անկախ սեփականության պատկանելությունից, ապրանքը պահում են մինչև պարտավորության վերացումը: Այս կարգավորումը հոդվածում այնպես է տրվել, որ ստացվում է՝ մեկի պարտավարության համար մյուսի ապրանքը պահում են: ՀՀ մաքսային մարմինների գործունեությունից դժգոհության առիթը «Կոնցեռն-Դիալոգի» վստահորդ «Դինո Գոլդ Մայնինգ Քամփընիի»՝ արդեն շուրջ մեկ տարի մաքսատանը պահովղ 37 մլն դրամ արժողությամբ հովացման խողովակներն էին: մանրամասները

Պարոն Ասատրյանը անդրադարձավ նաև Պետեկամոտների կոմիտեի էլեկտրոնային փաստաշրջանառությանը՝ հայտարարելով, որ էլեկտրոնային համակարգի ներդրումը գովելի փաստ է, բայց դրա թափանացիկությունը միայն թվացյալ է: «Այդ ամենի տակ այլ բան է թաքնված: Ասում են՝ կրկնակի ստուգում չեն անելու, ու այն պետք է լինի բացառապես վարչապետի հրամանով, բայց մեզ մոտ կրկնակի ստուգում է լինում քննիչների որոշմամբ, որովհետև ստուգումների մասին օրենքում գրված է այդ մասին: Փաստորեն, Հայսատանում ցանակացած քննիչ հավասարազոր է վարչապետին,  կարող է որոշում կայացնել՝ գնալու կրկնակի ստուգման, իսկ հետևանքը գիտենք, թե որն է», _ ասաց Սեդրակ Ասատրյանը:

Նա նշեց, որ Պետական եկամուտների կոմիտեն հայտարարում է, թե հարկային ոլորտում ամեն ինչ կարգին է, բայց այսօր մեծ թվով քրեական գործեր են հարուցվում գործարարների նկատմամբ: «Վերցերք 2013-2015 թթ. գրված հարկային բարփոխումների ազգային ծրագիրը։ Ես նայեցի, միանգամից ասացի, որ ռայկոմի աշխատող պետք է լինի հեղինակը, քանի որ մեջը գրված է բռնել, ջարդել, փշրել, վերջը՝ նստեցնել»,_ եզրափակեց պարոն Ասատրյանը:

Ավելի մանրամասն՝ Մաքսային բարեփոխումները, ամերիկյան փողերն ու հայ գործարարները @ Հայաստանի ազգային ռադիո

Առընչվող թեմայով՝ Հակասահմանադրական նորմի պատճառով «Դինո Գոլդ Մայնինգ Քամփնին» մինչ օրս չի կարողանում իր՝ 37 մլն դրամ արժողությամբ հովացման խողովակները մաքսազերծել