Կոնցեռն Դիալոգում հարմարեցնում ենք մեր ծառայությունները հաճախորդների կարիքներին։ Ծանոթ լինելով մատուցվող ծառայությունների ոլորտների խնդիրներին՝ մենք մեր հաճախորդներին տրամադրում ենք պարզ և գործնական խորհրդատվություն՝ աջակցելու նրանց կայացնելու իրազեկ որոշումներ։  

Մեր անդամակությունը TagLaw և Nextlaw ցանցերին և համագործակությունը առանձին երկրներում գործով տեղական իրավաբանական կազմակերպությունների հետ մեզ թույլ է տալիս բարձրորակ ծառայություններ մատուցել մեր հաճախորդներին փաստացիորեն ամբողջ աշխարհում։ Այդպիսի համագործակցության շնորհիվ մենք արդեն իսկ հաջող կերպով ծառայություններ ենք մատուցել մեր ՀՀ վստահորդներին Միացյալ Թագավորությունում, Իսպանիայում, Էստոնիայում, Կիպրոսում, Ֆրանսիայում, Դանիայում, Վրաստանում, ԱՄՆ-ի որոշ նահանգներում և այլ երկրներում:

Լայն ճանաչում ունեցող վարկանիշավորող հեղինակավոր միջազգային ընկերությունները պարբերաբար ճանաչում են մեր գրասենյակը՝ որպես հայաստանյան շուկայի առաջատար ընկերություններից մեկը։ Կոնցեռն Դիալոգը և մեր թիմի անդամները պարբերաբար առաջատար են համարվում (top tier) Chambers and Partners-ի, Legal 500-ի, IFLR1000-ի, Pravo.ru-300 International-ի, Who is who Legal-ի կողմից։ Top Ranked Legal-ը Կոնցեռն Դիալոգը ճանաչել է որպես 2022 թվականի Հայաստանի տարվա իրավաբանական ընկերություն։  

Բացի այդ, ընկերության իրավաբանները շարունակաբար հրապարակում են համեմատական ուղեցույցներ և առանձին հոդվածներ ՀՀ իրավունքի և պրակտիկայի վերաբերյալ միջազգային հայտնի իրավաբանական պարբերականներում և հրատարակչություններում, ներառյալ Chambers and Partners-ի համեմատական իրավական ուղեցույցները, Lexology-ի կողմից հրատարակվող Getting The Deal Through և Market Intelegence պարբերականները, The Legal 500-ի երկրների համեմատական ուղեցույցը, Thomson Reuters-ի կողմից հրապարակվող Pracical Law,  Wolters Kluwer-ի առանձին հրապարակումներ և այլն։

Կոնցեռն Դիալոգը, կարևորելով իրավունքի գերակայության ամրապնդումը երկրում, ներգրավված է նաև անհատներին և կազմակերպություններին անվճար կամ նվազեցված սակագնով իրավաբանական ծառայություններ մատուցելու գործերում: Դրանք հիմնականում այն գործերն են, որոնք առնչվում են մարդկանց հիմնարար իրավունքների պաշտպանությանը և համակարգային խնդիրների վերհանմանը և լուծմանը: 

Գրասենյակը նախաձեռնում է նաև սեմինարներ և աշխատաժողովներ տարբեր թիրախային խմբերի համար, ներառյալ՝ սեմինարներ լրագրողների և ուսանողների համար։  Նշված սեմինարների նպատակն է բարձրացնել թիրախային խմբերի իրազեկվածությունը և գիտելիքները կարևոր իրավաբանական թեմաների ու խնդիրների վերաբերյալ: