Կայացավ «Իրավա-Տեք» համաժողովը
03/04/2017
Մարտի 28-ից 30-ը Հայաստանի Ամերիկյան Համալսարանում կայացավ «Իրավա-Տեք» խորագիրը կրող համաժողովը, որը կազմակերպվել էր «Լույս» հիմնադրամի «Զարգացնենք Հայաստանը միասին» ծրագրի շրջանակներում։
Համաժողովին «Կոնցեռն Դիալոգ» ընկերության կողմից մասնակցում էր գործընկեր փաստաբան Նարինե Բեգլարյանը, որի ներկայացրած շնորհանդեսը նվիրված էր «Տվյալների պաշտպանությունը Հայաստանում» թեմային։ Շնորհանդեսի շրջանակներում Նարինե Բեգլարյանն անդրադարձ է կատարել ոլորտի իրավական կարգավորումներին, անձնական տվյալների մշակման իրավական մեխանիզմներին, մշակողի պարտավորություններին, տվյալների փոխանցման պայմաններին և այլ հարցերի։
Համաժողովը առաջին նախաձեռնությունն է միևնույն վայրում հավաքելու գործարարների, տեղեկատվական տեխնոլոգիաների մասնագետների և իրավաբանների ու հաշվի առնելով Հայաստանի ներկայիս առաջնահերթությունները և զարգացման ոլորտների նախընտրությունները՝ այն կարելի է համարել օրվա հրամայական։