Կոնցեռն Դիալոգ փաստաբանական գրասենյակի կառավարիչ գործընկեր, փաստաբան Արամ Օրբելյանն այս տարի ևս ներառվել է Who’s Who Legal: Arbitration 2023- Future Leaders -ի ամենամյա վարկանիշային ցանկում։

Who’s Who Legal-ը 2023 թ. ապագա առաջնորդների ցանկում ընդգրկել է միջազգային արբիտրաժային դատարաններում իրենց գործունեությամբ աչքի ընկած շուրջ 410 գործընկեր և 281 ոչ գործընկեր երիտասարդ իրավաբանների (մինչև 45 տարեկան)։ Ընդ որում, Արամ Օրբելյանը Հայաստանից վարկանիշավորված միակ իրավաբանն է։

Who’s Who Legal-ի հետազոտողները գնահատել են կարևոր ներդրումն արբիտրաժային ոլորտի զարգացման գործում, արհեստավարժությունն ու փորձառությունը։

Արամ Օրբելյանը, ով մասնագիտացած է դատավարության և (միջազգային) արբիտրաժի ծառայությունների մատուցման մեջ, տասը տարուց ավելի ներկայացնում է վստահորդներին բարդ դատավարություններում, ինչպես նաև ներդրումային և առևտրային արբիտրաժային գործերով: Նա նաև ՀՀ արբիտրների ասոցիացիայի նախագահն է, ներառված է Optimus Lex արբիտրաժային կենտրոնի և Երևանի արբիտրաժային ինստիտուտի արբիտրների ցուցակում:

Ծանոթագրություն․

1996 թ. սկսած Who’s Who Legal-ը իրականացնում է բիզնես իրավունքի ոլորտի իրավաբանների և խորհրդատու փորձագետների գնահատում 150-ից ավելի երկրներում՝ հիմնվելով համապարփակ, անկախ հետազոտության վրա։

Այն հրապարակվում է Լոնդոնում տեղակայված Law Business Research Ltd անկախ հրատարակչական խմբի կողմից, որը տրամադրում է հետազոտություններ, վերլուծություններ և զեկույցներ միջազգային իրավաբանական ծառայությունների շուկայի վերաբերյալ։

Law Business Research հրատարակչության կողմից են հրապարակվում նաև հայտնի Lexology The Getting the Deal Through-ի համեմատական ուղեցույցները, Global Arbitration Review, Global Competition Review, The Law Reviews պարբերականները և այլն։

Մանրամասները՝ https://bit.ly/3W74Lbx