Կոնցեռն Դիալոգի գործընկեր, փաստաբան Սարգիս Կնյազյանը, իրավաբան, փաստաբան Սվետլանա Մկրտչյանը և իրավաբանի օգնական Ռիտա Պարզյանը Chambers Global Practice Guide-ում հրապարակել են ապրանքային նշաններին և հեղինակային իրավունքին վերաբերող հայաստանյան իրավակարգավորումները։

Ուղեցույցը տրամադրում է վերջին իրավական տեղեկատվությունը ներպետական ​​իրավունքի և միջազգային կոնվենցիաների/պայմանագրերի վերաբերյալ, որոնք կիրառվում են ապրանքային նշանների և հեղինակային իրավունքի նկատմամբ. հեղինակության իրավունքը, պաշտպանության պայմանները և իրավունքների գրանցումը. հեղինակային, կոլեկտիվ ստեղծագործությունները և հեղինակային իրավունքի կառավարման համակարգերը. առարկությունը, անվավեր կամ չեղյալ ճանաչելու ընթացակարգերը, իրավունքների փոխանցումն ու լիցենզավորումը, դատական ​​հայց հարուցելը, պաշտպանության միջոցները և բողոքարկումները:

Ապրանքային նշանների և հեղինակային իրավունքի 2025 թվականի ուղեցույցում ներկայացված են ավելի քան 30 իրավազորություններ:

Հայաստանին վերաբերող ուղեցույցը մանրամասն պատկերացումներ է տալիս երկրի ապրանքային նշանների և հեղինակային իրավունքի մասին օրենքների, իրավական պաշտպանության միջոցների մասին՝ ծառայելով որպես կարևոր ռեսուրս բիզնեսների, իրավաբանների և իրավատերերի համար:

Ծանոթագրություն․ Chambers & Partners-ը համաշխարհային լայն ճանաչում ունեցող կազմակերպություն է, որը հիմնադրվել է 1969 թ. Անգլիայում։ 1990 թ.-ից կազմակերպությունն իրականացնում է լավագույն իրավաբանների և իրավաբանական ընկերությունների վարկանիշավորում աշխարհի ավելի քան 190 երկրում։

Յուրաքանչյուր տարի Chambers & Partners-ը թողարկում է աշխարհի տարբեր երկրներում բիզնես գործունեությանն առնչվող հիմնական ոլորտների իրավական կարգավորումների վերաբերյալ ուղեցույցների շարք (Global Practice Guides)՝ համագործակցելով առաջատար իրավաբանների հետ, որոնք ներկայացնում են իրենց երկրների օրենսդրական կարգավորումները և իրավակիրառ պրակտիկան։

Հայաստանի վերաբերյալ ուղեցույց՝ https://www.dialog.am/storage/files/posts/posts_4177727042341_003_ARMENIA_1_.pdf 

Ամբողջ ուղեցույցը՝ https://gpg-pdf.chambers.com/view/100585121/