«Կոնցեռն Դիալոգ» ընկերությունը պահպանեց իր պատվավոր տեղը “Chambers & Partners” կազմակերպության բարձր վարկանիշային խմբում
28/02/2018
Արդեն երկրորդ տարին է «Կոնցեռն Դիալոգ» ընկերությունը Chambers & Partners” կազմակերպության “Chambers Global” ուղեցույցի վարկանիշային աղյուսակում զբաղեցնում է երկրորդ հորիզոնականը։
Թե 2018-ին, եւ թե 2017թ. բարձր վարկանիշային գնահատման են արժանացել ոչ միայն «Կոնցեռն Դիալոգ»-ը, այլ նաեւ ընկերության իրավաբաններն անհատապես՝ ընկերության տնօրեն Սեդրակ Ասատրյանը և ավագ գործընկեր Արամ Օրբելյանը ։
“Chambers & Partners” միջազգային կազմակերպությունը 1990 թվականից ըստ վարկանիշերի դասակարգում է միջազգային ասպարեզում գործող իրավաբանների եւ իրավաբանական ընկերությունների։
Համապատասխան գնահատականները տրվում են երկարատեւ ուսումնասիրությունների արդյունքում։
«Կոնցեռն Դիալոգ » ընկերության գործունեությունը մանրազնին հետազոտելուց հետո, “Chambers & Partners” կազմակերպությունը պարզել է, որ «Կոնցեռն Դիալոգը» հայկական շուկայում կայացած ընկերություն է եւ ունի իր հաստատուն դիրքը: Ներկայացնում է ինչպես տեղական , այնպես էլ միջազգային ասպարեզում գործող հաճախորդների:
«Chambers Global»-ի աղբյուրների բնորոշմամբ ընկերության տնօրեն Սեդրակ Ասատրյանը գնահատված և հմուտ իրավաբան է, փորձառու փաստաբան, որը հաճախորդների համար խորհրդակցություն է իրականացնում առևտրային գործերի և վեճերի ոլորտում։ Ըստ ուղեցույցի, նա բավականին արագ է գործում՝ իրականացնելով գիտելիքահենք իրավաբանական խորհրդատվություն։
Ըստ «Chambers Global»-ի` «Կոնցեռն Դիալոգ» ընկերության ավագ գործընկեր Արամ Օրբելյանը գնահատվում է վեճերի լուծման գործում իր ցուցաբերած հիմնավոր մասնագիտական գիտելիքների և հմտությունների, միևնույն ժամանակ՝ հաճախորդամետ մոտեցման համար։