Legal 500֊ի բարձր գնահատականին է արժանացել «Կոնցեռն Դիալոգ» փաստաբանական ընկերությունը
11/04/2019
«Կոնցեռն Դիալոգ» փաստաբանական ընկերությունը, ինչպես ընկերության տնօրեն Սեդրակ Ասատրյանը, ավագ գործընկեր, փաստաբան Արամ Օրբելյանն , գործընկեր Նարինե Բեգլարյանը, փաստաբան Հովհաննես Խուդոյանը որպես առաջատարներ արժանացել են The Legal 500 Europe, Middle East and Africa 2019 թվականի վարկանիշավորման առաջին աստիճանի գնահատականին՝ «պրոֆեսիոնալիզմի, փորձառության և վերլուծական հմտությունների համար»:
The Legal 500 Europe, Middle East and Africa֊ն անկախ ուղեցույցը ավելի քան երեսուն տարիների գործունեության ընթացքում վարկանիշավորել է աշխարհում ճանաչված կազմակերպությունների և իրավաբանների։
Legal 500֊ը միակ ուղեցույցն է, որ իրապես սպասարկում է կորպորատիվ խորհրդատվության կարիքները, առաջարկում է տվյալ ոլորտի լավագույն մասնագետներին և ոչ պարզապես գործընկերների ցուցակ: Ամեն տարի կատարվող ուսումնասիրությունների և աշխարհի ավելի քան 300,000 կորպորատիվ հաճախորդների հետ անցկացված հարցազրույցների արդյունքում են ձևավորվում վարկանիշային գնահատականները՝ հիմք ընդունելով ուսումնասիրվող ընկերությունների և իրավաբանների բարձր մասնագիտական հմտությունները, փորձառությունն ու հարցումներին մասնակցած հաճախորդների գնահատականները։