«Հայաստանը պետք է դուրս գա իրավական այս հեղհեղուկից»․ Ա. Օրբելյան
10/09/2020
«Կոնցեռն Դիալոգ» փաստաբանական գրասենյակի ավագ գործընկեր փաստաբան, ՀՀ երկրորդ նախագահ Ռոբերտ Քոչարյանի պաշտպանական թիմի անդամ Արամ Օրբեյանը Yerevan Today լրատվական կայքին տված հարցազրույցում անդրադարձել է այսօր հանրության մի հատվածում շրջանառվող հարցին , թե ինչու՞է ձգձգվում «Ռոբերտ Քոչարյան և մյուսներ» քրեական գործով դատավարությունը։
«Ի՞նչ է նշանակում ձգձգել, չձգձգել գոյություն ունի սահմանադրությամբ միջաջազգային պայմանագրերով և կոնվենցիայով նախատեսված արդար դատաքննության երաշխիք, գոյություն ունի դատավարության փուլայնություն, դատական պրոցես, հիմա այս փուլը կոչվում է միջնորդությունների հարուցման փուլ։ Մանրակրկի՞տ ենք ներկայացնում դա մեր իրավունքն է։ Կրկնվու՞մ ենք՝ ոչ։ Բոլոր միջնորդություններն ունեն տրամաբանական կառուցվածք, ներկայացված են ապացույցները եվրոպական կոնվենցիայի նախադեպերը, այսինքն փաստաթուղթ է , որ պետք է ներկայացվի»։
Փաստաբանը անդրադարձել է նաև Հայաստանի դատական-իրավական համակարգում առկա որոշ խնդիրներին։ Փորձառու իրավաբանի կարծիքով.
«Հայաստանում տեղի ունեցող իրավական պրոցեսներին գնահատակններ ինչ-որ փուլում տրվելու են՝ դատարանների շրջափակում, դատավորների նկատմամբ քրեական գործի հարուցում, որ հետո պարզվում է, որ սխալ գործ է հարուցվել։ Իրավաբանորեն ակնհայտ արդար դատաքննության իրավունքի խախտում, անկախ դատարանի հնարավոր ոչնչացմանն ուղղված գործողություն։ Այս բոլոր գործընթացներին գնահատական տրվելու է, ինչ որ մի փուլում Հայաստանը պետք է դուրս գա այս հեղհեղուկից»։
Մանրամասները տեսանյութում`https://www.youtube.com/watch?time_continue=195&v=0G-ZFzUC7cY&feature=emb_title