Կոնցեռն Դիալոգ փաստաբանական գրասենյակն արժանացել է IFLR1000 վարկանիշավորման կազմակերպության ամենաբարձր գնահատականին
01/10/2020
Կոնցեռն Դիալոգ փաստաբանական գրասենյակը ներառվել է IFLR1000 ուղեցույցի դասակարգման առաջին [բարձրագույն] խմբում (Tier 1)։ Բարձր գնահատականների են արժանացել նաև ընկերության կառավարիչ գործընկեր, փաստաբան Սեդրակ Ասատրյանը, ավագ գործընկեր, փաստաբան Արամ Օրբելյանը և գործընկեր, փաստաբան Նարինե Բեգլարյանը։
IFLR1000-ը ֆինանսական և կորպորատիվ իրավունքի ոլորտի խոշորագույն ընկերությունների և իրավաբանների ուղեցույց է, որը իրավական ոլորտի ուսումնասիրություններ է իրականացնում՝ 1990թ-ից։ Այն միակ միջազգային ուղեցույցն է, որի մասնագիտական վարկանիշավորումը իրականացվում է իրավաբանների և իրավաբանական ընկերությունների՝ ֆինանսական և կորպորատիվ գործարքների իրավաբանական ուղեկցման գնահատման հիման վրա։
Հետազոտություններն իրականացվում են հետևյալ ուղղություններով․
- ֆինանսաբանկային ոլորտ,
- կապիտալի շուկաներ,
- կորպորատիվ իրավունք և M&A,
- մասնավոր կապիտալ,
- նախագծերի նախագծում /իրականացում/,
- նախագծերի ֆինանսավորում,
- վերակազմավորում և անվճարունակություն։
Հայաստանի Հանրապետության իրավաբանական շուկան ուսումնասիրվում է ֆինանսական և կորպորատիվ իրավունքի մասով միայն:
Մանրամասները՝ հետևյալ հղումներով՝
https://www.iflr1000.com/Jurisdiction/Armenia/Review/666#lawyers
https://www.iflr1000.com/Firm/Concern-Dialog-Law-Firm-Armenia/Profile/20254#review