Կոնցեռն Դիալոգ փաստաբանական գրասենյակի ավագ գործընկեր Արամ Օրբելյանը ներառվել է Who’s Who Legal-ի Arbitration - Future Leaders ամենամյա վարկանիշային ցանկում
16/12/2020
Կոնցեռն Դիալոգ փաստաբանական գրասենյակի ավագ գործընկեր, փաստաբան, ի.գ.թ. Արամ Օրբելյանը ներառվել է Who’s Who Legal-ի Arbitration - Future Leaders ամենամյա վարկանիշային ցանկում։ Ընտրվել են աշխարհի լավագույն երիտասարդ (մինչև 45 տարեկան) իրավաբանները, ովքեր աչքի են ընկել տեղական և միջազգային արբիտրաժային դատարաններում իրենց արդյունավետ գործունեությամբ և ձեռք բերված հեղինակությամբ։
Ցանկը կազմելիս հաշվի է առնվել երիտասարդ իրավաբանների ներդրումը արբիտրաժային ոլորտի զարգացման գործում և նրանց պրոֆեսիոնալիզմը։ Վարկանիշավորվածները ճանաչվել են որպես միջազգային արբիտրաժային համայնքի ապագա առաջնորդներ։
Who’s Who Legal-ը Լոնդոնում տեղակայված անկախ հրատարակչական խումբ է, որը տրամադրում է հետազոտություններ, վերլուծություններ և զեկույցներ միջազգային իրավաբանական ծառայությունների շուկայի վերաբերյալ: 1996 թ. սկսած Who’s Who Legal-ը իրականացնում է բիզնես իրավունքի ոլորտի իրավաբանների և խորհրդատու փորձագետների գնահատում 160-ից ավելի երկրներում՝ հիմնվելով համապարփակ, անկախ հետազոտության վրա։
Մանրամասները՝ https://whoswholegal.com/aram-orbelyan