Կոնցեռն Դիալոգի գործընկեր Նարինե Բեգլարյանը ներառվել է IFLR1000 Women Leaders 2021 - Europe, Middle East and Africa ուղեցույցում
07/05/2021
Կոնցեռն Դիալոգ փաստաբանական գրասենյակի գործընկեր Նարինե Բեգլարյանը ներառվել է IFLR1000 Women Leaders 2021 - Europe, Middle East and Africa ուղեցույցում։ IFLR1000 Women Leaders-ը վարկանիշավորում է ֆինանսական և կորպորատիվ իրավունքի ոլորտում գործող ամենաճանաչված կին իրավաբաններին ամբողջ աշխարհում։ Ուղեցույցի բնորոշմամբ՝ «իրավաբանների այս էլիտար խմբում» այն կանայք են, որոնք բարձր հեղինակություն են վայելում իրենց իրավաբանական շուկայում և բարդ գործեր վարելու մեծ փորձառություն ունեն։
Ոլորտի կին առաջնորդներին ընտրելու համար Հոնկոնգում, Լոնդոնում, Նյու Յորքում և Սոֆիայում գործող հետազոտական թիմերը վերլուծում են հազարավոր ուսումնասիրությունների արդյունքները, հարցազրույցներ են անցկացնում փաստաբանական գրասենյակների գործընկերների հետ և հարցումներ իրականացնում տասնյակ հազարավոր հաճախորդների շրջանում։
IFLR1000 Women Leaders-ը IFLR1000-ի հավելվածն է։ Վերջինս ֆինանսական և կորպորատիվ իրավունքի ոլորտի խոշորագույն ընկերությունների և իրավաբանների ուղեցույց է, որը իրավական ոլորտի ուսումնասիրություններ է իրականացնում սկսած 1990 թ.։ Այն միակ միջազգային ուղեցույցն է, որի վարկանիշավորումը իրականացվում է իրավաբանների և իրավաբանական ընկերությունների՝ ֆինանսական և կորպորատիվ գործարքների իրավաբանական ուղեկցման գնահատման հիման վրա։
Հետազոտություններն իրականացվում են հետևյալ ուղղություններով` ֆինանսաբանկային ոլորտ, կապիտալի շուկաներ, կորպորատիվ իրավունք և M&A, մասնավոր կապիտալ, նախագծերի մշակում, նախագծերի ֆինանսավորում, վերակազմավորում և անվճարունակություն։
Մանրամասները հետևյալ հղմամբ՝ https://www.iflr1000.com/NewsAndAnalysis/IFLR1000-Women-Leaders-2021-Europe-Middle-East-and-Africa/Index/12310։
Վերապահում
Հեղինակային իրավունք
Credits
Սույն կայքում տեղադրված նյութերը տրամադրվում են ընդհանուր տեղեկատվական նպատակով և իրենցից չեն ներկայացնում «Կոնցեռն-Դիալոգ» փաստաբանական ընկերության կողմից տրամադրված իրավաբանական կամ այլ մասնագիտական խորհրդատվություն: «Կոնցեռն-Դիալոգ» փաստաբանական ընկերությունը չի կրում որևէ պատասխանատվություն այն վնասների համար, որոնք ծագել են սույն կայքում պարունակվող տեղեկատվության կիրառման հետևանքով:
Սույն կայքի բովանդակությունը պաշտպանվում է ՀՀ գործող օրենսդրությամբ և միջազգային պայմանագրերով սահմանված հեղինակային իրավունքի դրույթներով: Սույն կայքի պարունակությունը վերարտադրելը, մշտապես պահելը կամ փոխանցելը կամ վերահղելը առանց «Կոնցեռն-Դիալոգ» փաստաբանական ընկերության նախնական գրավոր թույլտվության արգելված է:
Սույն կայքի շահագործումը «Կոնցեռն-Դիալոգ» փաստաբանական ընկերության կողմից մտադրված չէ ստեղծելու և չի ստեղծում փաստաբան-հաճախորդ հարաբերություններ Ձեր և «Կոնցեռն-Դիալոգ» փաստաբանական ընկերության միջև: Փաստաբան-հաճախորդ հարաբերություններն առաջանում են բացառապես գրավոր պայմանագրի հիման վրա:
«Կոնցեռն-Դիալոգ» փաստաբանական ընկերությունը սույնով թույլ է տալիս ուսումնասիրել, պատճենել, ներբեռնել և տպել կայքում զետեղված «Կոնցեռն-Դիալոգ» փաստաբանական ընկերության նյութերը, պայմանով որ դրանք պետք է օգտագործվեն բացառապես անձնական, տեղեկատվական և ոչ առևտրային նպատակներով: Նյութերը փոփոխելն արգելվում է:
Կայքում հասանելի «Կոնցեռն-Դիալոգ» փաստաբանական ընկերության փաստաթղթերը և նյութերը, օգտագործված լուսանկարները և տառաչափը պաշտպանվում են հեղինակային իրավունքի վերաբերյալ ՀՀ օրենսդրությամբ և միջազգային պայմանագրերով:
https://unsplash.com/photos/aerial-photography-of-city-buildings-vwvshYHYAZs
©Concern Dialog Inc 2023, Բոլոր իրավունքները պաշտպանված են
.png)
.png)