Կոնցեռն Դիալոգի ավագ իրավաբան Լիլիթ Կարապետյանն արժանացել է կրտսեր գործընկերոջ պաշտոնին
01/06/2021
Կոնցեռն Դիալոգի ավագ իրավաբան Լիլիթ Կարապետյանը մասնագիտական բարձր որակների, արհեստավարժության և նվիրված ու բարեխիղճ աշխատանքի համար արժանացել է կրտսեր գործընկերոջ պաշտոնին։
Լիլիթը միացել է Կոնցեռն Դիալոգ փաստաբանական գրասենյակի թիմին 2017 թվականին որպես կրտսեր իրավաբան և մասնագիտացել է մասնավորապես հանքարդյունաբերության ու էներգետիկայի (ներառյալ վերականգնվող) իրավունքի ոլորտներում։
Նախքան Կոնցեռն Դիալոգի թիմին միանալը Լիլիթը որպես իրավաբան աշխատել է Ֆինանսական համակարգի հաշտարարի գրասենյակում (2013-2014թթ.)։
2010-2014 թթ. Երևանի պետական համալսարանի իրավագիտության ֆակուլտետում ուսանելուց և բակալավրի աստիճան ստանալուց հետո կրթությունը շարունակել է Մեծ Բրիտանիայի Էքսեթեր համալսարանում՝ գերազանցությամբ ավարտելով «Անգլիական իրավունք և իրավական անգլերեն» դասընթացը (GDL)։ 2015-2016 թթ. նույն համալսարանում գերազանցությամբ ավարտել է նաև «Միջազգային առևտրային իրավունք» դասընթացը՝ ստանալով մագիստրոսի աստիճան (LLM):
Եղել է Էքսեթեր համալսարանի ուսանողական իրավաբանական պարբերականի ավագ խմբագիր, անդամակցել է Էքսեթեր Բրաքթոն իրավաբանական ակումբին։ Էքսեթերի հայկական ակումբի համահիմնադիրն է և փոխնախագահը։
2018 թվականից ՀՀ փաստաբանների պալատի անդամ է։
Շնորհավորում ենք Լիլիթին և մաղթում նոր նվաճումներ ու բազմաթիվ հաջողություններ։