Կոնցեռն Դիալոգ փաստաբանական գրասենյակը կրկին Chambers Europe ուղեցույցի առաջին խմբում է
18/03/2020
Կոնցեռն Դիալոգ փաստաբանական գրասենյակն այս տարի ևս ընդգրկվել է Chambers & Partners կազմակերպությունն Chambers Europe ուղեցույցի առաջին վարկանիշային խմբում՝ բարձր գնահատականներ ստանալով Chambers & Partners-ի հետազոտողների կողմից որպես տարածաշրջանի առաջատար ընկերություններից մեկը։
Ընկերության բազմաթիվ հաճախորդների գնահատականները վերահաստատել են Կոնցեռն Դիալոգի մատուցած ծառայությունների բարձր որակը և թիմի արհեստավարժությունը։
Անհատապես վարկանիշավորվելով՝ Կոնցեռն Դիալոգի տնօրեն Սեդրակ Ասատրյանն արժանացել է «Ականավոր մասնագետ» (Eminent Practitioner) դասակարգմանը, իսկ ավագ գործընկեր Արամ Օրբելյանը ներառվել է լավագույն իրավաբանների առաջին խմբում։
Chambers & Partners-ը համաշխարհային լայն ճանաչում ունեցող կազմակերպություն է, որը հիմնադրվել է 1969 թ. Անգլիայում։ 1990 թ.-ից կազմակերպությունն իրականացնում է լավագույն իրավաբանների և իրավաբանական ընկերությունների վարկանիշավորում աշխարհի ավելի քան 190 երկրում։ Գնահատումները կատարվում են ավելի քան 200 հետազոտողներից և խմբագիրներից կազմված թիմի մասնագիտական մանրազնին ուսումնասիրությունների արդյունքում կայացրած եզրակացության հիման վրա։