+374 10 575121 info@dialog.am

Արամ Օրբելյան, ի.գ.թ.

Ավագ գործընկեր, փաստաբան

Աշխատանքային գործունեությունը

Արամ Օրբելյանը կրկին միացել է Կոնցեռն-Դիալոգի թիմին որպես ավագ գործընկեր 2014թվականին՝ 4 տարի ընդմիջումից հետո: Ընկերությունում նա պատասխանատու է դատական ներկայացուցչության գործունեության պրակտիկայի, ինչպես նաև հանրային ոլորտում խորհրդատվական ծառայությունների պրակտիկայի կայացման և զարգացման համար:

Արամ Օրբելյանը 2011-2014 թթ. զբաղեցրել է ՀՀ արդարադատության նախարարի տեղեկալի պաշտոնը, որտեղ նա պատասխանատու է եղել իրավաբանական անձանց պետական գրանցման ռեգիստրի, ՔԿԱԳ գործակալության, նոտարիատի, փաստաբանության, քաղաքացիական դատավարության և քաղաքացիական օրենսդրության ոլորտներում իրականացվող բարեփոխումների համար:

2009-2011 թվականներին աշխատել է Կոնցեռն-Դիալոգ փաստաբանական գրասենյակում սկզբում որպես ավագ իրավաբան, հետո որպես տնօրենի տեղակալ: 2010 թվականից Արամ Օրբելյանը աշխատանքի արդյունքներով դարձել է ընկերության բաժնետերեր: Նշված ժամանակահատվածում ակտիվ մասնակցություն է ունեցել ընկերության պրակտիկայի նոր ուղղությունների մշակման գործում, կառավարման նոր մոդելների մշակման հարցերում:

2006-2007 թվականներին աշխատել է Կարմիր Խաչի Միջազգային Կոմիտեի (ԿԽՄԿ) Մոսկվայի տարածաշրջանային պատվիրակությունում որպես տարածաշրջանային ավագ իրավախորհրդատուի օգնական, հետո որպես իրավախորհրդատու:

Արամ Օրբելյանը հիմնական աշխատանքին զուգահեռ դասավանդում է ՀՀ փաստաբանական դպրոցում, Հայ-Ռուսական (Սլավոնական) Համալսարանում, Հայաստանում Ֆրանսիական համալսարանում, ՀՀ Արդարադատության ակադեմիայում:

 

Կրթությունը և վերապատրաստումները

2009 թվականին մասնակցել է Միջազգային Համագործակցության Գերմանական Ընկերության (GIZ) և Կառավարման Հարթի Դպրոցի (Hartie School of Governance) համատեղ կազմակերպված «Իրավական երկխոսություն իրավական տրանսֆորմացիայի համար» ձմեռային ակադեմիային

2000 - 2005 թվականներին սովորել է Միջազգային Հարաբերությունների Մոսկվայի Պետական Ինստիտուտի (МГИМО) միջազգային իրավունքի ֆակուլտետում ստանալով Իրավագիտության բակալավրի (2004թ.), հետո օտար լեզուների իմացությամբ իրավաբանի /դիպլոմավորված մասնագետի/ (2005) աստիճան, իսկ 2008 թվականին նույն բուհում պաշտպանելով «Զինված ուժի օգտագործումը ժամանակակից միջազգային հարաբերություններում» թեմայով թեկնածուական թեզ ստացել է իրավաբանական գիտությունների թեկնածուի գիտական աստիճան:

 

Իրականացրած ծրագրերն ու հիշատակման արժանի գործունեությունը 

  • ներկայացրել է վստահորդ կազմակերպությանը 13 նախկին աշխատակիցների կողմից ենթադրյալ խտրականության հիմքով աշխատանքից հեռացնելու հետ կապված դատական վեճում
  • Խոշոր ընկերության բաժնետերերին և ընկերությանը մյուս բաժնետիրոջ կողմից բերված հայցով (կորպորատիվ վեճ), որի շրջանակներում պահանջվում էր 150 մլն ՀՀ դրամը գերազանցող գումարի վճարում
  • Խոշոր հարկ վճարող կազմակերպությանը հարկային մարմնի կողմից 3.7 մլրդ հավելյալ հարկային պարտավորություն առաջադրող ակտը անվավեր ճանաչելու հետ կապված վեճով
  • Իրականացրել է հեռահաղորդակցության ոլորտի խոշոր մի քանի կազմակերպությունների իրավական աուդիտ( due diligence) և ապահովել է նշված ոլորտում 4 տարբեր ներդրումների և ձեռքբերումների գործարքների իրավական ուղեկցում
  • ՀՀ կառավարության կողմից Եվրոբոնդերի 700 մլն ԱՄՆ դոլար ընդհանուր ծավալով առաջնեկ թողարկման ժամանակ ղեկավարել է կառավարության իրավաբանների թիմի աշխատանքները և տրամադրել է համապատասխան իրավաբանական կարծիք*
  • Ներկայացրել է կառավարությունը FIDIC-ի դեղին գրքի պայմանագրի կիրառման հետ կապված 7 մլն ԱՄՆ դոլար ընդհանուր արժողությամբ միջազգային արբիտրաժի ժամանակ*
  • Գլխավորել է քաղաքացիական դատավարության նոր օրենսգրքի մշակման աշխատանքային խմբի աշխատանքները
  • Համակարգել է մոտ մեկ տասնյակ քաղաքականության փաստաթղթերի, ինչպես նաև երկուհարյուրից ավել օրենսդրական ակտերի մծակումը
  • Համակարգել է Իրավաբանական անձանց պետական գրանցման պետական ռեգիստրում, ՔԿԱԳ և նոտարական համակարգում էլեկտրոնային կառավարության համակարգերի ներդրման աշխատանքները*

 

Մասնակցությունը միություններին և մասնագիտական կազմակերպություններին

Միջազգային իրավունքի Ռուսաստանի ասոցիացիայի անդամ (2008 թվականից)

ՀՀ Փաստաբանների պալատի անդամ (2009 թվականից)

ՀՀ Միջազգային և համեմատական իրավունքի կենտրոն ՀԿ հիմնադիր-անդամ (2010 թվականից)

Համաշխարհային բանկի ներդրումային վեճերի լուծման միջազգային կենտրոնի (ICSID) արբիտր (2013 թվականից) 

ԷյԴիԱր Փարթներս վեճերի լուծման կենտրոնի արբիտր (2014 թվականից) 

2015 թվականի Միջազգային իրավունքի բելառուսական տարեգրքի միջազգային խմբագրական խորհրդի անդամ

Հայաստանի ԱՄՆ շրջանավարտների ասոցիացիայի անդամ (2011 թվականից)

 

Լեզուներ

Հայերեն

Ռուսերեն

Անգլերեն

Գերմաներեն (սահմանափակ կիրառություն)

 

 

* նշանով նշված գործողությունները կատարվել են մինչև «Կոնցեռն-Դիալոգ» ընկերությանը միանալը:

08-Նյմ-2017

Telecoms, Media & Internet Laws & Regulations 2018 by Concern Dialog Senior Partner Aram Orbelyan and Senior Associate ...

26-Սպտ-2017

Mining Law 2018 by "Concern Dialog" Senior Partner, Attorney Aram Orbelyan and Partner, Attorney Roustam Badasyan

25-Օգս-2017

"The Recent Changes to the Regulation of Online Gambling in Armenia" by "Concern Dialog" Senior Partner, Attorney Aram ...

13-Օգս-2017

Litigation and Dispute Resolution by "Concern Dialog" Senior Partner Aram Orbelyan, Partner, Associate Narine Beglaryan...

16-Հնվ-2017

Litigation and Dispute Resolution