Հրապարակվել է Mondaq-ի համեմատական ուղեցույցը միջազգային արբիտրաժի վերաբերյալ
21/01/2022
Mondaq հարթակում հրապարակվել է միջազգային արբիտրաժին նվիրված համեմատական ուղեցույցը, որով մանրամասն տեղեկություններ են ներկայացվում ՀՀ-ում արբիտրաժային գործընթացի և դրա հետ կապված իրավական կարգավորումների վերաբերյալ: Աշխատանքը հեղինակել են Կոնցեռն Դիալոգի կրտսեր գործընկեր, փաստաբան Լիլիթ Կարապետյանը և իրավաբան Քաղցրիկ Գևորգյանը։
Ուղեցույցով տեղեկություններ են ներկայացվում Հայաստանում արբիտրաժային գործընթացը կարգավորող օրենսդրության վերաբերյալ, քննարկվում է արբիտրաժի միջոցով լուծման ենթակա վեճերի շրջանակը, արբիտրաժային համաձայնագրերին ներկայացվող օրենսդրական պահանջները, արբիտրաժային տրիբունալների իրավասության դեմ առարկությունների հիմքերը, ինչպես նաև արբիտրաժային գործընթացին վերաբերող մի շարք այլ մանրամասներ։
Mondaq-ը բարձրակարգ իրավական ռեսուրսներ տրամադրող միջազգային առաջատար հարթակների եռյակում է՝ Lexology-ի, JD Supra-ի հետ միասին և համագործակցում է ճանաչված կազմակերպությունների հետ, ինչպիսիք են Bloomberg-ը, Thomson Reuters-ը, Dow Jones-ը, Wolters Kluwer-ը։
Հիմնադրվելով 1994 թ. և գործունեություն ծավալելով ողջ աշխարհում՝ այն փորձագիտական տեղեկություններ է տրամադրում ավելի քան 70 երկրների ֆինանսական և իրավական կարգավորումների ու իրավակիրառ պրակտիկայի վերաբերյալ՝ ներառելով այնպիսի ոլորտներ, ինչպիսիք են աշխատանքային և հարկային իրավունքները, դատավարությունները, առողջապահությունը, անշարժ գույքը և այլն։
Տես հրապարակումը՝ https://bit.ly/3tNggK7
Տես ուղեցույցը Mondaq հարթակում՝ https://bit.ly/353VHyZ