Փաստաբանության ինստիտուտն ունի կենտրոնական դերակատարում իրավունքի գերակայության զարգացման հարցում․ Արամ Օրբելյանը ելույթով է հանդես եկել միջազգային համաժողովին
28/04/2022
Կոնցեռն Դիալոգ փաստաբանական գրասենյակի կառավարիչ գործընկեր, փաստաբան Արամ Օրբելյանն ապրիլի 28-ին ելույթով է հանդես եկել ՀՀ փաստաբանների պալատի նախաձեռնությամբ կազմակերպված «Փաստաբանությունն ինտեգրացիոն գործընթացների համատեքստում․ հեռանկարներ և մարտահրավերներ» խորագրով միջազգային համաժողովին։
Նա խոսել է փաստաբանության դերի մասին իրավունքի գերակայության զարգացման գործում։ Մասնավորապես, անդրադարձ է կատարել փաստաբանական գրասենյակների կողմից` որպես փաստաբանական էթիկայի պահպանման հավելյալ օղակի նշանակությանը, միասնական փաստաբանության համակարգի պայմաններում: Արամ Օրբելյանը մատնանշել է միասնական փաստաբանական ինստիտուտի անհրաժեշտությունը` որպես իրավունքի գերակայությունն ապահովող կարևոր բաղադրատարրի: Բանախոսը ներկայացրել է վերջին ժամանակներում եվրոպական տարածաշրջանում առաջ եկող բարդագույն խնդիրներից մեկի՝ վստահորդի և փաստաբանի նույնացման հարցը, և դրա լուծման ոլորտում փաստաբանական գրասենյակների և փաստաբանության դերը: Բանախոսը նաև կարևորել է անդրսահմանայաին փաստաբանական ցանցերի և միությունների դերը մասնագիտական ստանդարտների և ծառայությունների բարձր որակը ապահովելու հարցում:
«Հասարակությունում մենք պետք է արմատավորենք այն մոտեցումը, որ փաստաբանի մասնագիտական գործունեությունն ուղղված է հնարավոր ապօրինի հետապնդումից կամ ապօրինի ազատազրկումից յուրաքանչյուրի պաշտպանությանը, և դա բնավ չի նշանակում, որ փաստաբանն արդարացնում է հանցագործությունները կամ ապահովում անպատժելիություն։ Նա ներկայացնում ու պաշտպանում է անձի, ում պետությունը կասկածում կամ մեղադրում է կոնկրետ, բայց ենթադրյալ հանցանքի կատարման մեջ։ Մեր առաքելությունն է անձի համար քրեական վարույթի ընթացքում ապահովել որակյալ իրավաբանական օգնություն, իրավական պատշաճ պաշտպանություն մեղադրանքից, ինչպես նաև անձի իրավունքների և շահերի պաշտպանություն քաղաքացիական և վարչական գործընթացներում, և այդ ընթացքում փաստաբանին իր վստահորդի հետ նույնականացնելը սխալ է»,- ելույթում նշել է Կոնցեռն Դիալոգ փաստաբանական գրասենյակի կառավարիչ գործընկեր, փաստաբան Արամ Օրբելյանը։ Միևնույն ժամանակ, փաստաբաններն էլ իրենց մասնագիտական սկզբունքներին համապատասխան պետք է իրենց գործողություններով կամ ելույթներով չթողնեն վստահորդի հետ նույնականացվելու տպավորություն։
Միջազգային համաժողովի ընթացքում ելույթներով են հանդես եկել ներկայացուցիչներ Ֆրանսիայից, Վրաստանից, Ռուսաստանի Դաշնությունից:
Վերապահում
Հեղինակային իրավունք
Credits
Սույն կայքում տեղադրված նյութերը տրամադրվում են ընդհանուր տեղեկատվական նպատակով և իրենցից չեն ներկայացնում «Կոնցեռն-Դիալոգ» փաստաբանական ընկերության կողմից տրամադրված իրավաբանական կամ այլ մասնագիտական խորհրդատվություն: «Կոնցեռն-Դիալոգ» փաստաբանական ընկերությունը չի կրում որևէ պատասխանատվություն այն վնասների համար, որոնք ծագել են սույն կայքում պարունակվող տեղեկատվության կիրառման հետևանքով:
Սույն կայքի բովանդակությունը պաշտպանվում է ՀՀ գործող օրենսդրությամբ և միջազգային պայմանագրերով սահմանված հեղինակային իրավունքի դրույթներով: Սույն կայքի պարունակությունը վերարտադրելը, մշտապես պահելը կամ փոխանցելը կամ վերահղելը առանց «Կոնցեռն-Դիալոգ» փաստաբանական ընկերության նախնական գրավոր թույլտվության արգելված է:
Սույն կայքի շահագործումը «Կոնցեռն-Դիալոգ» փաստաբանական ընկերության կողմից մտադրված չէ ստեղծելու և չի ստեղծում փաստաբան-հաճախորդ հարաբերություններ Ձեր և «Կոնցեռն-Դիալոգ» փաստաբանական ընկերության միջև: Փաստաբան-հաճախորդ հարաբերություններն առաջանում են բացառապես գրավոր պայմանագրի հիման վրա:
«Կոնցեռն-Դիալոգ» փաստաբանական ընկերությունը սույնով թույլ է տալիս ուսումնասիրել, պատճենել, ներբեռնել և տպել կայքում զետեղված «Կոնցեռն-Դիալոգ» փաստաբանական ընկերության նյութերը, պայմանով որ դրանք պետք է օգտագործվեն բացառապես անձնական, տեղեկատվական և ոչ առևտրային նպատակներով: Նյութերը փոփոխելն արգելվում է:
Կայքում հասանելի «Կոնցեռն-Դիալոգ» փաստաբանական ընկերության փաստաթղթերը և նյութերը, օգտագործված լուսանկարները և տառաչափը պաշտպանվում են հեղինակային իրավունքի վերաբերյալ ՀՀ օրենսդրությամբ և միջազգային պայմանագրերով:
https://unsplash.com/photos/aerial-photography-of-city-buildings-vwvshYHYAZs
©Concern Dialog Inc 2023, Բոլոր իրավունքները պաշտպանված են
.png)
.png)