Տեսական ու գործնական գիտելիքներ արբիտրաժի վերաբերյալ․ Արամ Օրբելյանը դասավանդել է Արբիտրաժային ամառային դպրոցում իրավաբան ուսանողների համար
13/07/2022
ՀՀ բուհերի իրավաբանական ֆակուլտետների 20 ուսանողի համար այսօր Ծաղկաձորում մեկնարկել է Արբիտրաժային ամառային դպրոցը, որն իրականացնում է ՀՀ արբիտրների ասոցիացիան Եվրոպայի խորհրդի հետ համատեղ։
Միջոցառմանը բացման խոսքով հանդես են եկել Եվրոպայի խորհրդի երևանյան գրասենյակի ղեկավար Մարտինա Շմիդտը և ՀՀ արբիտրների ասոցիացիայի նախագահ, Կոնցեռն Դիալոգ փաստաբանական գրասենյակի կառավարիչ գործընկեր, փաստաբան Արամ Օրբելյանը։ Բանախոսները կարևորել են ՀՀ-ում վեճերի լուծման ավանդական մեխանիզմներից (դատարաններից) զատ, այլընտրանքային լուծման մեխանիզմների, այդ թվում՝ արբիտրաժի զարգացումը։
Ամառային դպրոցի առաջին օրը դասընթացավարներից Արամ Օրբելյանը մասնակիցների համար մանրամասնել է արբիտրաժի տարբերությունը դատարանից, արբիտրաժի հիմնական առավելություններն ու թերությունները, տեսակները, անդրադարձել է հիմնական իրավական գործիքներին, որոնք կիրառվում են արբիտրաժային տիրույթում։
Ոլորտի վերաբերյալ ներպետական օրենսդրության ներկայացումից բացի, առանձին քննարկման առարկա են դարձել նաև միջազգային կարգավորումները։
Նշենք, որ ամառային դպրոցն իրականացվում է Եվրոպական Միության և Եվրոպայի խորհրդի կողմից Գործընկերություն հանուն լավ կառավարման (ԳԼԿ II) ծրագրային ձևաչափի շրջանակներում ֆինանսավորվող և Եվրոպայի խորհրդի կողմից իրականացվող «Աջակցություն դատական բարեփոխումների իրականացմանը` Հայաստանում դատական իշխանության անկախության և արհեստավարժության ամրապնդումը» ծրագրի շրջանակներում:
ՀՀ արբիտրների ասոցիացիայի և Եվրոպայի խորհրդի նպատակն է ամառային դպրոցի միջոցով նպաստել արբիտրաժի վերաբերյալ Երևանի և Հայաստանի մարզերի իրավաբանական ֆակուլտետների ուսանողների գիտելիքների և գործնական հմտությունների զարգացմանը։
Քառօրյա ինտենսիվ դասընթացի ժամանակ, տեսական գիտելիքների տրամադրումից բացի, տեղի են ունենալու նաև քննարկումներ, գործերի քննություններ ու դատախաղեր։
Վերապահում
Հեղինակային իրավունք
Credits
Սույն կայքում տեղադրված նյութերը տրամադրվում են ընդհանուր տեղեկատվական նպատակով և իրենցից չեն ներկայացնում «Կոնցեռն-Դիալոգ» փաստաբանական ընկերության կողմից տրամադրված իրավաբանական կամ այլ մասնագիտական խորհրդատվություն: «Կոնցեռն-Դիալոգ» փաստաբանական ընկերությունը չի կրում որևէ պատասխանատվություն այն վնասների համար, որոնք ծագել են սույն կայքում պարունակվող տեղեկատվության կիրառման հետևանքով:
Սույն կայքի բովանդակությունը պաշտպանվում է ՀՀ գործող օրենսդրությամբ և միջազգային պայմանագրերով սահմանված հեղինակային իրավունքի դրույթներով: Սույն կայքի պարունակությունը վերարտադրելը, մշտապես պահելը կամ փոխանցելը կամ վերահղելը առանց «Կոնցեռն-Դիալոգ» փաստաբանական ընկերության նախնական գրավոր թույլտվության արգելված է:
Սույն կայքի շահագործումը «Կոնցեռն-Դիալոգ» փաստաբանական ընկերության կողմից մտադրված չէ ստեղծելու և չի ստեղծում փաստաբան-հաճախորդ հարաբերություններ Ձեր և «Կոնցեռն-Դիալոգ» փաստաբանական ընկերության միջև: Փաստաբան-հաճախորդ հարաբերություններն առաջանում են բացառապես գրավոր պայմանագրի հիման վրա:
«Կոնցեռն-Դիալոգ» փաստաբանական ընկերությունը սույնով թույլ է տալիս ուսումնասիրել, պատճենել, ներբեռնել և տպել կայքում զետեղված «Կոնցեռն-Դիալոգ» փաստաբանական ընկերության նյութերը, պայմանով որ դրանք պետք է օգտագործվեն բացառապես անձնական, տեղեկատվական և ոչ առևտրային նպատակներով: Նյութերը փոփոխելն արգելվում է:
Կայքում հասանելի «Կոնցեռն-Դիալոգ» փաստաբանական ընկերության փաստաթղթերը և նյութերը, օգտագործված լուսանկարները և տառաչափը պաշտպանվում են հեղինակային իրավունքի վերաբերյալ ՀՀ օրենսդրությամբ և միջազգային պայմանագրերով:
https://unsplash.com/photos/aerial-photography-of-city-buildings-vwvshYHYAZs
©Concern Dialog Inc 2023, Բոլոր իրավունքները պաշտպանված են
.png)
.png)